AMED - Ayaz Ozdemîr û Furkan Onero 6 serre, netîceyê bêtedbîrîyî de binê blokê betonî yê mektebe de mendî û merdî. Dewaya her di domanan de dadgeha îstînafî , cezayê ke gumanbaran rê amebî birnayene arde war.

 

Qezaya Yenîşehîrî ya Amedî taxa Ben û Senî de 30ê adara 2016ine de, domanê bi nameyê Ayaz Ozdemîr û Furkan Oner yê 6 serreyî binê blokê betonî yê dêsê dorê Mekteba Turgut Ozalî yê bi vînç ameyne ronayene de mendî. Mektebe şan de seke qerekola polîsan û bi roj zî seke mektebe ameyne xebitnayene.

 

Îstînafî ceza arde war

 

Roniştiş de qerarê dewaya ke gumanbaranê Ayaz Ozdemîr, Furkan Onerî ameyne muhakemekerdene de, semedê hîrê gumanbaran bi pêroyî 21 serrî û 4 mengî ceza amebî dayene. Avûkatan dewa berdibî Dadgeha Edlîyeya Herême (BAM). BAMî ceza da gumanbaran la Dadgeha Îstînafî ceza arde war.