MÊRDÎN - Birayê Vesîle Yuksele, Delîl Tekîno ke Zîndanê Girewteyê Şakranî de yeno tepiştene, bi telefon keye dir têkilî da ro û vat: “Tîya de problemo pîl ê pakitî esto. Maskeyî kantîn dd bi pere yenê rotene. Ma bi endîşeyîn ê.”

 

30 madeyê pêşnîyazê qanûnê înfazî ame qebulkerdene. Bi pêşnîyazê qanûnê înfazî de hepsîyê sîyasî nêameyî vînayene. Vengdayîşê keye û sazgehan zî nêame eşnawitene. Keyeyan dîyar kerdî ke şerdê zîndanan her ke şono xidar beno.

 

Birayê Vesîle Yuksele, Delîl Tekîno ke Zîndanê Girewteyê ê Şakranî de tepişte yo, bi telefon ard ziwan ke rewşa înan baş nîya û ganî na rewşe bêra sererastkerdene. 

 

‘Ma bi endîşeyîn ê’

 

Vesîle dîyar kerde ke Delîl, derheqê rewşa zîndanî de wina vato: “Doktorê revîro ke ma ci de yê, testê ey Vîrusê Koronayî pozîtîf vejîya. Nê ser o ey eşrawitî. La ma do se bibê? Xeylêk embazê ma verê doktorê revîrî de muayene bî. Kesê ke muyane bîyê vatî, testê înan negatîf o, la ma reyna zî bi endîşeyîn ê. Ma bi îmkananê xo hewl danê ke yewbînan bipawê. Îmkanî tîya tay ê. Tîya maskeyî kantîn de bi pereyan yenê rotene. Înfazê mi û embazanê mi veşnayî. Ma bi endîşeyîn ê.”

 

Vesîleye vengdayîşê hîsgêrî kerde û reaksîyon vera Paketa Hukmî ya 3ine ke hepsîyê sîyasîyan teber de verdena, da.