Melîke Aydin

 

MUGLA - Sereka Pêroyî ya Sendîkayê Ev - Eksenli (Cinîyê ke keye de xebityenê) Gulsum Nazliogluye dîyar kerde ke krîzê ke vîrusî awan kerdo, betalîyê cinîyan zêde kerdo û vat ganî hukmat seba înan zî sererastkerdişêke bikero û asayîşê înan bigîro.

 

Tirkîya de vîrusê korona (COVÎD -19) her ke şono zêde beno û hûmara merdan zî her ke şono zêde bena. Bêguman mercê şer û vîrusan de yê tewr zêde bi tesîr benê cinî yê. Sereka Pêroyî ya Sendîkaya  Eve - Eksenlî (Cinîyê ke keye de xebityenê) Gulsum Nazliogluye dîyar kerde ke do nê prosesî de betalîyê cinîyan zî zêde bibo.

 

Gulsume dîyar kerde xebata ke keye de yena kerdene bi keda keyeyî dir gênena têmîyan ro û vat: “Xebata keyeyî de lihîf yenê viraştene, berardişê keda destan yenê viraştene. Seba nê kargerîya înan keye yo. Eynî wextî de yeno zanayene, xebata keyeyî, xo keye de hepskerdene nîyo. Seba derbazkerdene wextê vengî, seba debara keyeyî xebate yena kerdene. Karê fason de zî kar yeno taxe û seba yew kesî ney, seba xeylêk kesî yeno.”

 

‘Yê ke bê asayîş xebityenê zî wa bikewê paketa xebate’ 

 

Gulsume dîyar kerde ke prosesê vîrusê korona de seba mecbûr manenê keye de bimanê, karê înan zê kêm bîyo û vat: “Feqîrî problemêko cidî yo. Vatişê ‘keye de bê’ asan o. La wina nêbeno. Gama ke ma keye de bi îhtîmalê qezenckerdişê pere çin o. Ma seba teqawîtbîyayîşê têkoşîn kenê, seba asayîşî têkoşîn kenê. Yê ke bê asayîş xebityenê ganî paketa xebate bigîrê. Ganî ma zî bigîrê na pakete rê.”

 

‘Do feqîrîyê cinîyan zêde bibo’

 

Gulsume dewamê qiseykerdişê xo de da zanayene ke tedbîrê vera vîrusî de eke seba pêro xebatkaran pere bêro dayene û nêverdê vejîyê teber do netîceyêk baş bêro girewtene û vat, verpayê ci do feqîrbîyayîşê cinîyan zêde bibo. Gulsume tewr peyîn vat, ganî polîtîkayê pêro bêrê weçînayene û eynî wextî de torra têkoşînî bêro mundayene.”