AMED - Endama DAKAPî Arîn Zumrute dîyar kerde ke cinî mecbûrî ke mabêne heqê ciwîyayîş û weşîye de tercîhek bikerê yenê verdayene û vat: “Ganî merdimî nê prosesî de keye de bê labelê heme barê keyeyî serê cinîyan de maneno.”

 

Endama Platforma Cinîyan ê Dîcle Amedî (DAKAP) Arîn Zumrute dîyar kerde ke prosesê vîrusî de şîdetê mîyanê keyeyî de zêde bîyo û vat cinî tena nîyê.

 

‘Şîdetê serê cinîyan zêde bi’

 

Arîne vat, hukmatî senîn ke prosesê destpêkerdişê vengdayîşê ‘keye de bê’ kerd û dimayê nê hîn netîceyî vejîyayî û wina vat: “Nê prosesî de şîdetê serê cinîyan zêde bîyo. Raya pêroyî zî reaksîyon ramojna. Gerek ma bidê hîskerdene ke cinî nê prosesî de tena nîyê. Prosesê vîrusî tesîr heme hetan kerd. Bi taybetî vernê de cinîyan kar ra eştî. Hema xeylêk embazî mecbûrê ke fabrîka, tesktîl û şantîyeyan de bixebityê. Na rewşe de heqê xo yê weşî ser o zî bêpar manenê. Verê nê de rewşêka verpayê ci esta. Cinî mecbûr manenê ke keye de bimanê û karê keyeyî zî pêro serê milê cinîyan de yeno barkerdene.”

 

‘Bar serê milê cinîyan de ame barkerdene’

 

Arîne vat, seba desturê bê pere madeyêk ‘vernê de destur bidê cinîyan, dima ra bidê camêrdan’ ameyo zêdekerdene û vat no zî nêzdîbîyayîşê pederşahîyî yo û vat: “Gelo şîdet reyke de çira zêde bi. Sebebê zêdebûna şîdetê serê cinîyan oyo ke wextê camêrd û cinî verê yewbînan de derbaz bikerê zêde bîyo. Camêrdî heme hêrsê xo serê cinîyan de vejenê. Ma derheqê şîdetî de muracatan gênê. Muracatî her ke şonê zêde benê. Dewlete tedbîran nêgêna, rewşe hîna tewr giran bena. Nê prosesî pandemî de welatê averşîyayîş de yê stargehê cinîyan zêde kerdî. Xetê telefonî û hesabê çapemenîye yê ke cinî do bieşkê biresê zêde kerdî. La welatê ma de verpayê ci yeno bi ca ardene.”

 

Arîne tewr peyîn vat ke goreyê dayeyê peyîn yê 20 rojan de 21 cinî ameyî qetilkerdene û vat, pêro sazgehê cinîyan derheqê şîdetê serê cinîyan de vengê xo berz bikerê.