MÊRDÎN- Wendekara unîversîta Derya Ozturke dîyar kerde ke dimayê vîrusî mabêne dayê perwerdeyî û derheqê rewşa perwerdî se bibo de endîşeyê înan estê û vat: "Tedbîrê ke ganî destpêk de bi ameyîne girewtene, nêameyî girewtene û coka mabêne dayî perwerdeyî. Tîya ra tepya  ma nêzanê ke do gamêke senîn bierzê. Sereyê ma de xeylêk persî estê."

 

dimayê ke Tirkîya de vîrusê korona rî da, hûmare her ke şina zêde bena û yew tedbîrê ke ameybî girewtene, vindernayîşê perwerdeyî bi. Dimayê ke perwerde ame vindarnayene, rewşa wendekaran zî nêzelalbîyayîşê xo paweno. Wendekara Beşê Veterînerî yê Unîversîteya Dîcleyî ya Amedî, Derya Ozturke derheqê babete de fikrê xo ardî ziwan.

 

'Nêzelalbîyayîşê cidî estê'

 

Deryaye dîyar kerde ke dimayê eşkerayîya wezaretî şîya verê keyeyê xo ke Qoser de yo û vat: "Hişê ma pêrûne de persî estê. Gelo hîrê hewte ra dima do perwerde dewam bikero. eke dewam nêkero do no vengbîyayîş senîn bêro girewtene. Do wext derg bo? Çend rojî verê vatî ke do 'perwerdeyê onlîne’ bêro kerdene. Seba averşîyayîşêd ersan do çiqas bi feyde bo."

 

'Ganî hemleyê bi tesîr bêrê eştene'

 

Deryaye da zanayene ke eke vîrus biqedo, do menga hamnanî de dayîşê dersan do seba înan baş bibo û vat: "La nîno zanayene ke nêweşî zî do senîn bo. Derheqê îmtihanan de fikrê ma çin o. Ma wazenê ke hemleyê bi tesîr bêrê eştene. Ma mîyanê bêzelalî de ciwîyenê."

 

'Tedbîrê baş nêameyî girewtene'

 

Derya qiseykerdişê xo wina qedêna: "Babeta têkoşînê hemverê vîrusî de tedbîrê baş nêemyî girewtene. Tedbîro tewr girîng o bi ke ganî destûr nêdayîne zîyaretê Umreyî. Tena semedê kesê ke umre ra ameyê ney ganî heme seferê ke teberê welatî ra ameyê biameyne vindarnayene. Di mengî verê tedbîr biameyne girewtene, do ewro na rewşe nêameyne ciwîyayîş. Eke wina şoro ma do Îtalye pey xo de verdê."