AMED - Bejayîyê qezaya Licê de domano 11 serre Yûsûf Yildirako ke heywanan çêrnayîne, cîsmêko erd de dî, deste ey de teqîya û bi giranî birîndar bi.

 

Domano 11 serre Yûsûf Yildirako ke vizîr cayê ke mabêne dewanê Pîrîk û Zîyaretî ya qezaya Licê ya Amedî de, heywanan çêrnayîne, cîsmêko erd de dî, destê ci de teqîya û bi giranî birîndar bi. Keyeyê Yûsûfî, ey wedarnayî Nêweşxaneyî Unîversîteya Dîcleyî. Ame zanayene ke rewşa Yûsûfî  giran a û yeno tedawîkerdene. Ame neqlkerdene ke Yûsûf, domanê keyeyêko koçerî yo û Çewlikî ra ameyê Licê.