WAN - Dewa Esenyamaçî ya qezaya Elbakî û mezrayê Çemikî û Tellîkaya yê qezaya Şaxî yê Wanî gerîyayî binê karantîna.

 

Dewa Esenyamaçî ya qezaya Elbakî û mezrayê Çemikî û Tellîkaya yê qezaya Şaxî yê Wanî vizêr şan vîrusê Korona ra gerîyayî binê karantîna. Testê hemwelatîyo/a ke Îstanbulî ra ame/ye dewa Esenyamaçî û nêweş kewt, pozîtîf vejîya. Serebûtî ra dima dormeyê dewe ame girewtene û dewe visîyaye binê karantîna.

 

Qezaya Şaxî ya Wanî de zî mezrayê Tellîkaya û Çemik dima ke Tellîkaya de hemwelatîyêk/e de vîrusê Korona ame tesbîtkerdene visîyayî binê karantîna. 

 

Hetê bînî ra dewa Xanî ya qezaya Ebexî ya Wanî zî 27ê adare ra nata binê karantîna de ya.