MERKEZÊ XEBERAN - Pêroyê dinya de hûmara merdimanê ke bi Vîrusê Korona (Covid-19) ra merdî 30 hezarî derbaz kerde. Zêdeyê 664 hezar kesî zî bi vîrus kewtî.

 

Pêroyê dinya de heta nika zêdeyê 30 hezar kesî Vîrusê Korona (Covid-19) ra merdî. 664 hezar kesî zî bi vîrus kewtî. Pêroyê dinya de hûmara kesê ke vîrus ra dima weş bîyî zî 142 hezar kesî ya. Dinya de tewr zêde Îtalya de merdimî Covid-19 ra merdî. 24 saetanê peyênan de 889 kesê bînî Îtalya de merdî û hûmara merdeyan 10 hezar û 23 kesan derbaz kerde. Hûmara kesê ke bi vîrus kewtî zî resaye 92 hezar û 472 kesane.

 

Tirkîya rêza 14ine de ya

 

Heta nika 12 hezar û 384 kesî zî weş bîyî. Goreyê eşkerayîya Wezîrê Weşî Fahrettîn Kocayî Tirkîya de 108 kesî bi vîrus ra merdî û 7 hezar û 402 kesî z bi vîrus kewtî. Tirkîya de mabêne 200 welatan de rêza 14ine de ya.