ENQERE- Wezîrîya Edaletî, pêvînayîşê avûkatan zî tede heme zîyaretkerdişê zîndanan reyna taloq kerdî.

 

Wezarîya Edaletî hemverê vilabîyayîşê vîrusê korona yê seba zîndanan qedexeyê pêvînayîşanê zîndanan de reyna kerd derg. Goreyê qerarî qedexeyê pêvînayîşê avûkatan û keyeyan 2 hewteyî bîn zî ame dergkerdene.

 

Zîyaretkerdişî bi destûrê serdozgerîye bêrê kerdene

 

Bi qerarê Wezîrîya Edaletî akerde û qefilnaye pêvînayîşê avûkatan zî tede heme pêvînayîşî seba 2 hewteyan ameyî qedexekerdene. Teberê heqê îzînê taybetî, nêweşîye û asayîşî yê înanê ke dezgehanê înfaze ceza yê akerdeyan de manenê naqlkerdişî zî tede heme falîyetî seba 2 hewteyan ameyî taloqkerdene. Reyna domanê ke pa mayanê xo zîndanî de manênê ê zî seba di hewteyan do mevejê teber. Merdimê tepişteyan rewşa îstîsnaye de do bi qerarê serdozgerîye pêvînayîş bikerê. Avûkatî zî rewşa îstîsnaye de do bi lapik û maskeyan pêvînayîşo qefilnaye bikerê.