STENBOL - Keye û avûkatê Rayberê PKKyî Abdullah Ocalanî û yê tepişteyanê bînan ê ke Îmrali de yê semedê şîyayîşê Îmraliyî muracatê Serdozgerîya Komare ya Bursa kerd.

 

Birayê Rayberê PKKyî Abdullah Ocalanî Mehmet Ocalanî û wasîyê ci Mazlum Dînçî seba ke mabênê 30ê adare û 3ê nîsane de bişekê şirê Îmrali muracatê Serdozgerîya Komare ya Bursa kerd.

 

Merdimanê tepişteyan ê bînan ê Îmraliyî ra birayê Omer Hayrî Konarî Emîn Konarî, birayê Hamîlî Yildirimî Polat Yildirimî û waya Veysî Aktaşî Melîhe Çetîn bi rayîrê avûkatanê xo seba pêvînayîşî muracatê serdozgerîye kerd. Keyeyan vat eke ma meşorê Îmrali zî ganî ma cade merdimanê xo de telefon de qisey bikerê.

 

Avûkatanê Rayberê PKKyî Abdullah Ocalanî Razîye Turgut, Rêzan Sarica, Serbay Kokl û Îbrahîm Bilmezî zî seba ke mabênê 30ê adare û 3ê nîsane de bieşke muwekîlê xo de qisey bikerê muracatê Serdozgerîya Komare ya Bursa kerd.