ÎZMÎR - Rêxistinanê elewîyan bi eşkarîyêka nuşteyî vera efûyê sucdarê hêrişê cinsî vejîyayî û vatî: “Kesê ke fikrê xo û fikrê xo yê sîyasî ardê ziwan û nika zîndan de yê ganî serbest bêrê veradeyene.”

 

Konfederasyonê Yewîyanê Elewîyan ê Ewropa, Federasyonê Elewî-Bektaşîyî, Federasyonê Komeleyanê Elewîyan, Federasyonê Weqifanê Elewîyan, Komeleya Kulturî ya Pîr Sultan Abdalî, Komeleyanê Kulturî yê Elewîyan semedê vîrusê Korona ra eşkerayîyêka hempare kerde û bale ante rewşa zîndanan ser.

 

‘Ganî dewlete adîl têbigeyra’

 

Eşkerayîye de ame vatene ke paketa veradayîşî ya ke yena amadekerdene ganî seba pêro hepsîyan biba. Eşkerayîye de nê çîyî ameyî vatene: ''Veradayîşê rotoxanê kundoxî, îstîsmarkeran, kiştoxanê cinîye nêno qebulkerdene. Hûmara tepişteyan goreyê kapasîteya zîndanan zêdêr a. Coka rewşa weşîye ya zîndanan xirab a û zîndanan de rîskê vilabîyayîşê Korona zêde yo. Ma wazenê ke pêro hepsî bi hawayêkê têdûştî bêrê azadkerdene.''

 

‘Ganî hepsîyê sîyasî serbest bêrê veradeyene’

 

“Zîndanan de serê kapasîteyê xo hepsî estê. Coka zîndanî seba weşîye xeylêk xirab ê. Tehlukeyêko vilabîyayîşê Vîrusê Korona zîndanan de hîna zêde yo. Coka ganî tedbîrêko baş semedê zîndanan bêro girewtene. Ganî hepsîyê sîyasî serbest bêrê veradeyene.”