MERKEZÊ XEBERAN - Vîrûsê koronayî her ke şino dinya de beno sebebêko krîzê pîl yê ekononî. Yeno dîyarkerdene ke no krîz serra 2008-2009 pîlîrî yo.

 

Temamê dinya vîrûsê korona bi tesîr bi û her roje bi seyan merdimî cuya xo vindî kerfî û bi seyan kesî zî bi vîrus kewenê. Eynî wextî de tesîr serê ekonomîye dinya zî keno. Heta nika hukmatî xeylêk welatan îzahat dayî û vatî do bi des mîlyaran kes bêkar bimano. 

 

Yeno dîyarkerdene ke 1,7 mîlyar kesî şertê karantînayî de ciwîyenê û do krîzê ekonomî xeylêk giran bo. Goreyê Fonê Pereyan ê Mîyanneteweyî (IMF) do krîzê emsarî do krîzê serra 2008î ra giranîrî bo.

 

Goreyê Dîrektorê Pêroyî yê IMFî heta nika 80 welatan waştişê kredî kerdo. Dîrektor Krîstalîna Georgîeva dîyar kerde ke kapasîteyê înan ê krediyî bi pêroyî 1 trilyon dolar o û ê amadeyê ke pêroyan bikerê dewre.

 

Krîstalîna dîyar kerde ke ganî vernê de tedbîrê bidê vernîgirewtişê vîrusê Covîd-19î û ganî sîstemê weşîye bêrê xurtkerdene.