MÊRDÎN - 28 hepsîyê cinî yê ke zîndanê Tîpê M yê Bayburtî de manenê, dîyar kerdî ke tu xoserbîyayîşê înan verê çiman de nîno girewtene û vat: “Heta pedê ke ma xebitnenê zî problem yenê ciwîyene. Bi di serrî yo tu faliyetêko komelî nêame kerdene. Ma nêeşkenê heqê xo yê sereyîn zî bi ca bîyarê.”

 

Tirkîya de semedê vîrûsê korona tablo her ke şino giran beno. Heta nika 30 kesan cuya xo vindî kerd û testê hezar û 236 kesî zî pozîtîf vejîya. Bi taybet zî zîndanî binê rîskî de yê. Pêwa nê teda û îhlalkerdişan heqan dewam kenê. Hepsîyê cinî yê ke zîndanê Tîpê M yê Bayburtî de manenê, bi mektuba ke eşrawitî, teda û îhlalkerdişê ke rast ci yenê qalî kerdî.

 

28 hepsîyê cinî estê

 

Mektube de ame dîyar kerdene ke zîndan de 28 cinî estê û pêro zî bi surgun ameyê û wina vatî: “Zîndano ke ma mendêne, bi sebebê cîya, verê ke zanayîş bidê keye û ma, ma ardî tîya. Surgun bi zanabîyayîş ame kerdene û ma û keyeyê ma mexdûr kerdî. Semedo ke hûmara gardîyanê cinîyan kêm a, wextê pêvînayîşî kerdî 40 deqe. Ma sewqkerdiş wazenê la bi sebebê kapasîteyê zîndanan pirr o, yenê redkerdene. Bi di serrî yo bi hawayêko kêfî cezayê dîsîplînî yenê dayene.”

 

‘Tu xoserbîyayîşê ma verê çiman de nêgînê’

 

Hepsîyan da zanayene ke semedê 8ê Adare, 21ê Adare û 1ê êlule Roja Aştîya ya Dinya govende kerdê û deyîran vatê cezayê dîsîplînî ameyê dayane û wina vat: “Emsar wexto ke ma 8ê Adare pîroz kerdêne, binê nameyê cigêrayîşî de eştî serê koxuşan. Cigêrayîş de tedayê psîkolojîk hemverê ma xebitnayî. Zirar danê hacetanê ma, rende, qelemê rengînî, kursî ameyî desteserkerdene. Ma sey cinî tu xoserbîyayîşê verê çiman de nîno girewtene. Axda es bigîrê heta pedan ma problem ciwîyenê. Bi di serrî yo ma tu faliyetê komelî nêeşkenê bikerê. Waştişê ma yê seba rojê taybet yenê redkerdene.

 

Gardîyanî îdeolojîk nêzdî benê

 

Bi 4 serrî yo seba ke problemê kelepçe esto, embazê ma yê ke derman nêbenê estê. Mektubê me nînê dayene. Semedê caardişê kêfî mektubî yenê desteserkerdiş. Gardiyanî nêzdîbîyayîşêko îdeolojîk de yê. Mazgal û beran bi hawayêko şîdet gênê.