MERKEZÊ XEBERAN- Serê fermanê Wezaretê Karê Zereyî, qeyûm tayînî Şaredarîya Êlih, Farqîn, Licê, Gêl û Erxenî ame kerdene. Hemşaredar wezîfe ra ameyî girewtene û ameyî destbendkerdene. Awanîyê şaredarîyan zî abluqayê polîsan de yê.

 

Serê fermanê Wezaretê Karê Zereyî qeyûm tayînê şaredarîyê ke binê îdareyê HDPyî yê Êlih, Farqîn, Licê, Gêl û Erxenî ameyî kerdene. Bi tayînkerdişê qeyûman dir hemşaredarê HDPyî wezîfe ra ameyî dûrvistene. Hemşaredara Farqînî Naşîde Toprak û Hemşaredarê Erxenî Ahmet Kaya û hemşaredaranê Êlihî Songul Kormaz û Mehmet Demîr ameyî destbendkerdene. Awanîyê şaredarîyan hetê polîsan ra ameyî abluqakerdene û destûr nêdanê ke kes şêro awanîyê şaredarîyan.

 

HDPyî weçînayîşê 31ê Adara 2019 de 3 şaristanê pîl, 5 şaristan, 45 qeza û 12 bajarokan qezenc kerdib. Verê zî qeyûm tayînê 3 şaredarîyê şaristanê pîl yê Amed, Mêrdîn û Wanî, Şaredarîya Colemêrgî, 29 qeza û 3 bajarokan amebi kerdene.