Rojda Seyidxan

 

QAMIŞLO - Bi ameyîşê roja 21 ê Adare, cinîyê Dêrîkijî şîrove kerdî û vatî: "Bi umîdo ke Newroza 2020an bibo Newroza serkewtiş û hizûr î."

 

Her şar û netew wayîrê rojê taybet roşan, şîn û şayîye yo. Menga Adare ke ci ra menga Newroze yena vatene, semedê şarê Kurd mangêka bi serrgera rojê şîn û şahîyan a. Xeylêk rojê girîng adare de estê û nê rojan ra zî 21ê Adare ya Newroze ye. Newroze roşanê Şarê Kurdî ya neteweyî ya, na roje semedê şarê Kurd roja serewedaritiş û azadîye ya. Coka rojê bindestîyî de Newroze, têkoşînê xelasî û serewedaritiş ana vîrê şarê Kurdî. Derheqê babete de cinîyê bajarê Dêrikî şîrove kerdî.

 

‘Ma do hemverê îqtîdarî xoverdayîşê xo pîl bikerê’

 

Cinîya bi nameyê Rûha Ehmede Newroza temamê şarê Kurd pîroz kerde û vat: "Ez Newroza emsar pêro şarê Kurdî rê pîroz kena. Menga adare de xeylêk hedîseyê şîn û şahî yenê ciwîyayîş. Emsar semedê Vîrûsê Korona ma nêeşkenê şahîya xo pîroz bikerê, la ma do her wext xoverdayîşê xo girs bikerê û hemverê îqtîdar û faşîzmî adirê xo yê Newroze geş bikerê."

 

‘Ma do her wext û her Newroze serê lingan de bê’

 

Cinîya bi nameyê Eyşe Nadire zî semedê Newroze hîsê xo arde ziwan û vat: "Ez Newroza emsar Rayber Apo û temamê şarê Kurd pîroz kena. Ma hêrişê dewleta tirkî yê serê herra xo şermezar kenê ke bi hezaran kes ameyî qetîlkerdene û mecbûrê koçberî ameyî. Ma bi umîdê ke serra bêro heme kesî ageyrê serê herra xo û bi hizur welatê xo de biciwîyê. Her dem û her newroze ma do serê lingan de bê ke ma biresê azadîya welat.”