ÊLIH - Zîndanê Tîpê Lyî yê  Espiye yê Giresunî de 3 hepsîyê ke selahîyetdarê zîndanî dest dayî serê dermanê înan û destûr nêdanê ke xo ramojnê doktoran û hepsîyan dest bi grevê vêşanîye yê bidem-biagêrayîşî kerd.

 

Goreyê zanayîşanê ke ameyî destfînayene Zîndanê Tîpê Lyî yê  Espiye yê Giresunî de 3 hepsîyanê sîyasîyan dest bi grevê vêşanîye yê bidem-biagêrayîşî kerd. Merdimanê hepsîyan da eşnawitene ke hepsîyan bi telefonî dayo zanayene ke zextê serê înan zêdîyayo, cezayê dîsîplînî ameyî dayene û kitabê înan ameyî destsernayene. Hepsî hucreyan de yenê tepiştene û nê rojanê ke tehlukeyê Korona esto de destûr nêdîyeno ke ê vejî cayê hewagirewtişî û revîrî. Reyna dermanê hepsîyan zî nênê înan dayene. Rîyê zextan ra hepsîyan ra Suphî Akbaş, Aras Aslan û Serkan Akkuş 18ê adare de nata dest bi grevê vêşanîye yê bidem-biagêrayîşî kerd.

 

Yeno pawitene ke merdimê tepişeyan murcatê Komeleya Heqanê Merdiman (ÎHD) bikerê.