Şehrîban Aslan

 

AMED - Azîze Davulcuya ke  semedê fuhuş domanêka rê ferz kerdib, ameyne muhakemekerdene û roniştişê qerarî de heyetê dadgehe 20 serrî ceza ci rê birna. La heyetî, ‘Têkilîyê komelî yê gumanbare û tesîrê serê ameyoxî ci' de verê çiman de girewt û ceza fîna 16 serrî û 8 mengî. Muhakemekerdenê 3 gumanbarê bîn zî dewam keno.

 

Qezaya Sûrî ya Amedî de domanêka rastê hêrişê cinsî amebî, hetê kesê keyeyê ci ra rastê tehdîdî amebî û fuhuş ci rê amebi ferzkerdene. Nacnîya aye Azîze Davulcu fuhuş domane rê ferz kerdib û domane diganî mendebî û 2016 de Nêweşxanayê Zayîşê yê Amedî de pitik ardebî dinya û nê ser o hedîse vejîyabî werte. Semedê emrê domane, zanayîş seba sazgehê selahîyetdaran amebi dayene û dima ra tehqîqat ame destpêkerdene. Çarçewaya tehqîqatî de Serdozgerîya Komare ya Amedî derheqê Azîze Davulcu de îdianame amade kerd û sucê, ‘domane teşwîqê fuhuşê kerdî yan zî mabênekerdene', ‘bi hawayêko sîstematîk hêrişê cinsî yê vera domane' mabêne 26 û 47 serrî de ceza ame waştene.

 

Azîze Davulcuya ke 2yîn Dadgeha Cezaya Giran ya Amedî ameyne muhakemekerdene, vernê de 20 serrî ceza û dima ra ceza ameye fînayene û 16 serrî û 8 mengî ceza ameye birnayene.

 

Kesê keyeyî ci rê fuhuş ferzkerdî

 

Îdinameyî de ame dîyar kerdene ke 2016ine de taxêka Sûrî ya Amedî de domanêka rastê hêrişê cinsî ameye cinîya birayê aye Azîze Davulcu bi tehdîd fuhuş ci rê ferz kerdo. Îdianameyî de ame dîyar kerdene ke goreyê îfadeyê domane ya Merkezê Taqîbkerdişê Domanan (ÇÎM) girewto, rastê tecawizê birayê xo Sadik Davulcu û birayê Azîze Davulcu, Sadun Demîrî ameya. Eynî wextî de domane îfadeyê xo de dayo zanayene ke Azîze Davulcuye seba pereyî aye kerda mîyanê fuhuşî û reyke zî Sadik Davulcu, Azîze Davulcu û wayê û birayê Azîze, Sadun û Berîvan Demîre aye berdê Xarpêt û bi tehdîd fuhuş bi ci dayê kerdene.

 

Îdînameyî de Sadik Davulcuyî pawitişêko rêze de kerdo û pawito. Heto bîn ra îdianameyî de ame vatene ke Azîze Davulcuye domane tehdîd kerda û rastê hêrişê cinsî yê Mehmet E. ameya.

 

Mabêne 26 û 47 serran de ceza ame waştene

 

Roniştişê qerarî rojê vîyarte de ame vînayene. Heyetê dadgehe mutalayê xo eşkera kerd û derheqê Azîze Davulcuye de sucê, ‘domane teşwîqê fuhuşî kerdene yan zî mabênekerdene', ‘bi hawayêko sîstematîk hêrişê cinsî yê hemver domane’ mabêne 26 û 47 serrî de ceza ame waştene.

 

Azîze Davulcuya ke 2yîn Dadgeha Cezaya Giran ya Amedî de ameyne muhakemekerdene, vernê de 20 serrî ceza û dima ra zî ceza ameye fînayene û 16 serrî û 8 mengî ceza ameye birnayene.

 

Ame zanayene ke domane nika yurdeko de manena û derheqê Sadik Davulcu, Sadun Demîr, Mehmet Demîr de zî muhakeme dewam keno.