MÊRDÎN - Sekretera Cinîyan ya Şubeyê SESî yê Mêrdînî Gulnîgar Karataşe da zanayene ke zemê sera 12.10 seba dermanê tibî ameyê kerdene de, hemleyêko bîn ê pîyasabîyayîşê weşîye de yo û vat, xizmetê weşîye têduşt û bê pere, heqê tewr sereyîn  merdimayî yo.

 

Wezaretê Weşîye, Komîsyonê Ercnayîşê Vayî ya 14ê Sibata 2020inê Sazgehê Hacetê Tibî û Dermananê Tirkîya de, seba dermanê tibî sera 12.10 zem kerd. Zemo ke menga Sibate de ame kerdene, tesîrêko pîl serê şarî de kerd û şar nêeşkeno xo biresno dermanan. Sekretera Cinîyan ê Şubeyê SESî yê Mêrdînî Gulnîgar Karataşe dîyar kerde ke xoresnayîşê xizmetê weşîye têduşt û bê pere heqê tewr sereyîn ê komelî yo.

 

'Ganî xizmetê weşîye bê pere û têduşt bêro kerdene'

 

Gulnîgare arde ziwan ke zemê seba her çî yeno kerdene, tesîrêko pîl serê komelî de keno û vat: "Wareyê weşîye de zî zemo ke yeno kerdene, rewşa komelî hîna xirab keno. Dayeyê zemê ke tesîr serê weşîye şarî de keno, ameyo dîyarkerdene. Zemê ke seba xida yenê kerdene, seba weşîye yenê kerdene zî tesîrêko gird serê komelî de beno. Pêşnîyarîyê ma oyo ke xizmetêko têduşt û bê pere seba şarî bêro kerdene. No tuzukê ma de zî esto. Omid kena ke sîstemêko winasî ameyox de bêro kerdene."

 

'Do nêweşî dermanan nêvînê' 

 

Gulnîgare da zanayene ke bi mîlyonan nêweşê ke nêeşkenê dermanan bigîrê estê û bi taybet zî nêweşê rîşa merdimwere hetê xoresnayîşê dermanan de probleman biciwîyê û wina vat: "Sîstemo bîyaye, ganî biameyêne başkerdene. Ganî tewr zêde butçe seba weşîye bêro bi ca kerdene. Wexto ke seba weşîye butçe kêm bo, o wext komelêko weşîya ci baş nîya vejîyena meydan. Wexto ke merdimêko seba domananê xo nêeşko dermanan bigîro, o wext travma vejîyena meydan."

 

'Xizmetê weşîye yeno rotene'

 

Gulnîgare arde ziwan ke pîyasabîyayîşê weşîye de xoresnayîşê weşîye zehmet keno û wina vat: "Çiqas weşîye bikerê pîyasa, do hende xizmet de problem vejîyo û do xizmetê tenduristiyê bikin piyasa wê evqas di xizmetê weşîye bêro rotene. Waştişê ma oyo ke xizmetêko weşîye yê têduşt û bê pere bêro dayene. La caardişî verpayê ci yê û xizmetê weşîye roşenê."