RIHA - Riha, Amed, Şirnex û Wan de avûkatî, muwekîlî, gardîyanî û sîyasetçî ameyî destbendkerdene.

 

Eşkera bi ke çarçewa operasyonê qirkerdişê sîyasîyî de merkezê Riha, Amedî, Şirnexî û Wanî de zaf tenî ameyî destbendkerdene. Xeylêk avûkatî, hemşaredarî, gardîyanî û sîyasetmedarî ameyî destbendkerdene.

 

Çarçewa tehqîqatê Serdozgerîya Komare ya Riha de 10 avûkatî, şaredarêk, 12 gardîyanî û xeylêk sîyasetmedarî ameyî destbendkerdene. Her çiqas semedê destbendkerdişî nêamebi vatene zî ame vatene ke hedefê operasyonî avûkatî, zîndanî û muwekîlê ke ameyî veradayene û gardîyan ê. Ame vatene ke 12 gardîyanê ke dest bend bîyî Zîndanê Sêwregî de wezîfedar ê. Yeno pawitene ke derheqê 103 kesan de bira destbendkerdişî ameye dayene.

 

Nameyê kesanê ke dest bend bîyî wina yê:

 

Riha: Avûkatî Metîn Ozbadem (Endamê Meclîsê Partîye yê HDPyî), Emîn Baran, Hîdayet Enmek, Sevda Çelîk Ozbîngol, Cemo Tuysuz, Şeyhmûs Înal, Huseyîn Îzol, îdarekaro verên ê HDPyî Sedat Çelîk, endamê Meclîsa Şaredarîye yê HDPyî yê Sêwregî  Îbrahîm Ayyildiz, xebatkarê Radyo Karacadagî Salih Erbekler, Halîl Çay, Mizgîne Çay Yavuz, Kemal Ak.

 

Amed: Avûkatî Zeynepe Işik û Ozkan Avci, Dîdar Çeşme, Mehmet Akdogan, Zeynepe Kiyar.

 

Şirnex: Hevşaredara Cizîre Bêrîvane Kutlu, parêzer Gurgun Kadirhan.

 

Wan: Hakan Keleş.