DÊRSIM - Wendekara Unîversîteya Munzurî Gulîstane Doku 5ê çeleyî ra nata vîndîbîyaye ya. Waka Gulîstane Doku, Aygul Dokuye serê medyaya komelkî de da zanayen ke keyeyê keso şikin yê Zainal Abakarovî vizêr şewe saet 03.30î de binê asayîşêko gird de eşyayanê xo arê da û keyeyê xo bar kerd.

 

Wendekara Beşê Averberdişê Domanan ya Unîversîteya Munzurî Gulîstane Doku 5ê çeleyî ra nata vîndîbîyaye ya. Vindîbîyayîşê Gulîstane ra dima vejîya raşte ke Gulîstane tewr peynî embazê xo Zaynal Abarokî reyde telefon de qisey kerda. Ame zanayene ke Yucerî ke sey babîyê Zainal Abakarovî yeno zanayene saetanê şewe de keyeyê xo yê Taxa Ataturkî ra keyeyê xo bar kerdo. Na xebere serê medyaya komelkî de hetê waka Gulîstane, Aygul Dokuye ameye parekerdene. Aygul Dokuye parekerdişê xo yê medyaya komelkî de va: “Nameyê mi Gulîstan Dokuye yo. 68 rojî yo ke ez nîna vînayene. Keso şikin vizêr şewe saet 03.30î de binê asayîşêko gird de eşyayanê xo arê da û keyeyê xo bar kerd.”

 

Verê cû zî hewl dayî ke keye bar bikerî

 

Keyeyê Zainal Abakarovî 7ê adare de zî hewl da ke keye bar bikero, labelê Aygul Dokuye asteng kerdbî. Keyeyê Gulîstan Dokuye badê ke verê keyeyê kesê şikinan de wesayîtê naklîyatî dîbî va ‘Gulîstan merde. Şima nêeşkenî kotî de şêrî’ û eşyayanê keyeyê Abakarovî ardbî war. No hedîse de polîsan mudaxaleyê Ayşegule kerdibî. 

Badê ke reaksîyonî ameybî mojnayene eşyayê reyna ardî war û wesayîtê naklîyatî verê keye ra şîbî.