Gulîstan Azak

 

STENBOL- Verfeka Meclîsê Cinîyan Averşîyayîşî Sevî Ozlem Gulmeze 8ê Adare Roja Cinîyanê Dinya de veng da heme cinîyan ke Kadikoy de hemverê şer û polîtîkayê şer bêrê têhet û wina vat: “Me nê şerî nêda destpêkerdiş. Şer şerê ma yê cinîyan nîyo. Fatureyê krîzî ke rayîr verbi şerî akerdo, ma do nêdê.”

 

Verfeka Meclîsê Cinîyan ê Averşîyayîşî Ozlem Gulmeze da zanayîş ke do 8ê Adare de waştişê xo bîyarê ziwan û derheqê nê de şîrove kerde. Sevgîye da zanayene ke pêwa reaksîyonan, AKPyî şer de israr keno û qanûno ke îstîsmarê domanan meşrû keno, ca bigîro û wina vat: “Kiştişê cinîyan zî her ke şino zêde beno. Semedê çareserîya problemê ganî ma 8ê Adare de bikewê kuçeyan.”

 

‘Ma têkoşînê xo bê mabên dewam kenê’

 

Sevgîye wina dewam kerde: “Cinî pêwa hêrişê AKPyî vengê xo berz bikerê. Her ca de ma bi pankart, dovîz û hêzê xo bî vengê cinî û ciwanan. Ma înan dir rayîra şî. AKP nika hewl dano qanûno ke îstîsmarê domanan meşrû keno, bikero rojeve. Ma vera nê her platformî de reaksîyonê xo ramojna. No netîceyê zîhnîyetê înan o. Pêwa reaksîyonê şarî, wazenê bîyarê. Ma vera nê yê û qebûl nêkenê.”

 

‘8ê Adare semedê ma îmkan o’

 

Sevgîye da zanayene ke cinî kuçe, kargerî û her wareyê ciwîyayîş de rastê tedayî îqtîdarî yenê û vat: “Ma hewl danê ke vengê cinîyan rastê şîdetî yenê. 8ê Adare semedê nê îmkan o û roja ke eşkenê vengêko xurt bêro vetişî yo. Semedê nê ma sey meclîsê cinîyanê averşîyaye, 8ê Adare de saete 14.00ine de Îskeleyê Beşîktaşî yê Kadikoyî de pêvînayîş cinîyan dir bikerê. Semedo ke pêro cinî beşdar bibê, do îzahatê ma bibo. Semedo ke şer û şîdetî ra tewr zêde cinî û domanî tesîr benê. No şer, şerê cinîyan nîyo. Cinîyan nêdayo destpêkerdene. Faturayê krîzî ekonomî yê şerî akerdo ma do nêdê.”