AMED - Goreyê cigêrayîşê ke ame kerdene, mîyanê tarîxê 1ê Çele de tena 2 hezar û 563 hedîseyê şîdetî vera cinîyan çapemenîye de ameyê serwîskerdene. Cigêrayîşê ame kerdene de ame dîyarkerdene ke zaf tay hedîseyê şîdetî çapemenîye de yenê dayene.

 

Merkezê Cigêrayîşê Wareyê Polîtîk Sosyo, hedîseyê şîdetê vera cinî û domanê ke çapemenîye de ameyî weşênayene, cigêrayîş kerd. Cigêrayîş serê hedîseyê 1ê Çeleyî 2019ine heta 1ê Çeleyî 2020ine ameyo kerdene.

 

Merkezî neql kerd ke o wextî de 2 hezar û 563 hedîseyê şîdetî, çapemenîye de ameyê weşênayene. Eynî wextî de ame neqlkerdene ke Amed de 38 hedîseyê şîdetî çapemenîye de ameyî weşankerdene. Labelê rêxistinê komelî û meslegî neql kerdî ke hûmara rastî 1792 hedîse yî. Cigêrayîş de ame vatene ke dayeyê întixarkerdişî zî bi raya pêroyî dir nêameyê neqlkerdene.

 

Cihêrayîş de ame vatene, "Seke ke nimûneyê Amedî de yeno vînayene, hûmara hedîseyê şîdetî ke rêxistinê meslegî û sivîl tespît kerdê 1792 yo, la yê çapemenîye de ameyo weşankerdene 38 ê. No zî ramojneno ke hedîseyê şîdetî yê vera cinîyan 47 qatî hûmara çapemenîye de yenê weşankerdene ra tewr zêde yo.”