Melîke Aydin

 

ÎZMÎR - Cinîyê Baretîyê Azadan dîyar kerdî ke ganî TMMOBî de temsîlkarîyê cinîyan bêro zêdekerdene û vatî: “Do kotayê ma yê temsîlkarîyê cinîyan û hemserekî bibo. Bi hemserekî do semedê cinîyan, ware bêro nasnayene û do cinî îdarekarî de zêdeyîr bibê wayîrê vatişî.”

 

Platformê Plansazkarî yê Bajarî yê Mîmar û Muhendisê Azadîwaştox (Baretîyê Azadan) mîyanê Yewîya Odaya Muhendis û Mîmarê Tirk (TMMOB) de xo newe bi rêxistin kerd. Wendekara Beşê Muhendisê Înşatî ya Unîversîteya Dokuz Eylulî, Ozlem Gunduze û wendekara Beşa Mîmarî Unîversîteya Demokrasî ya Îzmîrî Berîvan Akbiyike dîyar kerdî ke bi Baretê Azadan hîs û aqilê cinîyan her ca de dano hîskerdene û TMMOBî de semedê temsîlkarîyê cinîyan zêde bibo ganî hemserekî bibo.

 

‘Hedefê ma awankerdişê komelê polîtîk ê ehlaqî yo’

 

Ozlem Gunduze dîyar kerde ke awankerdene, ‘Baretîyê Azadan’ çend serrî bi ameyne fikiryayîne û bi hawayêko fermî çend mengî verê ameyo eşkerakerdene û dima ra hedef ameyî girewtene. Ozleme wina dewam kerde: “Ma vera sîstemî bi hawayêko zelal vindenê. Ma eşkenê vajê ke ma bi qerar ê seba ewnîyayîşê cinîyan muhendisî û pêro wareyan de vila bikerê. Hedefê ma awankerdişê komelê polîtîk ahlaqî yo. Prosesê ameyox de semedê xurtbîyayîşê îdarekerdişê herêmî û bi modernîteyê demokratîk rayîr wareyê muhendisî de, xebatê xo hetê pratîk û teorî de aver berê dayî ro.”

 

‘Bi hemkarî do muhendisê cinî bêrê vînayene’

 

Berîvan Akbiyike zî bale ante serê kêmbîyayîşê hûmara cinîyan ê beşê muhendisî de û vat, hem beşê xo hem zî şantîyeyan rastê bêtêduştî yenê û vat: “Mîmarî û muhendisî

hem komel, hem zî dewlete de sey meslegê cinîyan nînê vînayene. Bi hemserekî û temsîlkarîyê cinîyan do kotayê ma bibo. Bi hemserîkeye do semedê cinîyan îmkanê wareyan bêro nasnayene û do cinî îdarekerdişan de bibê wayîrê vatiş. Ma do ramojnê ke muhendisî û mîmarî tena meslegê camêrdan nîyê. Do ewnîyayîşê komelî zî bivuryo. Do teorî de nêmano û biko pratîk.