ENQERE - Hepsîya MKPyî Aysel Koça ke Zîndanê Sîncanî yê Cinîyan de tepiştebîye, cuya xo vindî kerde. 

 

Hepsîya doza Partîya Komunîste ya Maoîstan (MKP) Aysel Koça ke cezaya “muebeto giran” aye rê ameybî birnayene, Zîndanê Sîncanî yê Cinîyan de cuya xo vindî kerde. Rayîrberê zîndanî sere de keye û avûkatan rê vatî ke Aysele ‘întîhar kerda’. Avûkatê Aysele zî dîyar kerd ke badê otopsî do bêro eşkerakerdene ke Aysele întîhar kerda ya nê. Şûbeyê Enqereyî yê Komeleya Heqê Merdiman (ÎHD), seba ke xebere selahîyetdar û keye ra bigîro şî Dezgeyê Tibê Edlî (ATK). Aysele serra 2012î de bejahîyê Dêrsimî de netîceyê operasyonê leşkerî de ameyebî tepiştene û aye wext ra nata tepişte ya.