ŞIRNEX -  Dimayê hewldayîşê întixarî yê Cizîrê Şirnexî ke 18ê sibate de ame kerdene, Serdozgerîya Komara ya Cizîrî derheqê 5 kesê ke verê qeymaqemtî de sloganan eştê, tehqîqat da destpêkerdene.

 

Qezaya Cizîrî ya Şirnexî de 17ê sibate de welatîyo bi nameyê Nezîr Kiliçî, qata 4ine awanîya Qeymeqamtîyê Qezaya Cizîrî eşt û peynîya cuya xo ard. Dima ra zî 18ê sibate de zî welatîyo bi nameyê D.O. kewtib awanîya Qeymaqemtîyê qeza û bi vatişê, “Deynê mi estê” bi çek hewl da ke peynîya cuya xo bîyaro. Hetê derûdorî ra ame îknakerdene û întixar ra feletya.

 

Hedîse de girseyêk verê qeymaqemtî de kom bî, sloganê sey, "Qeymeqam îstîfa” berz kerdî. Serdozgerîya Komara Cizîrî derheqê mîyan de 2 domanî estî, temamî derheqê 5 kesan de bi sebebê, "Şar tehrîk kerdê û dişminî aver berdê" tehqîqat dayê destpêkerdene.