Melîke Aydin

 

ÎZMÎR - Cigêrayox Emet Degîrmencîye vat, keda cinîyan ê wareyê taybet û keyeyî qet nînê vînayene û vat, o wext ê femînîstî do şîarê ‘wareyo taybet polîtîk o’ reyna bikerê.

 

Cigêrayox Emet Degîrmencîye ke serê meslegê ciwîyayîşî yê ke zirar nêdanê xoza ser o cigêrayîş kena, bale ante serê keda cinîyan û vat, rewşa krîzê ekonomî, ekolojîk û komelî bêro çareserkerdene de do bêro vînayene û vat: “Serdestîyê merdiman ê serê xoza, prosesê ke serdestîyê camêrdan sey serê cinîyan de yo."

 

Emete va, cinîyan wextê neolotîkî ra dima azadîya xo vindî kerdê û va pare ramitiş, xidayî de xeylêk zêde yo û toximê bi weşîye, hetê cinîyan ra ameyê heta ewro û vat: "Ramitiş û berardişê xida de sera 75 keda cinîyan esta. Bi polîtîkayê neolîberal, rewşa pantentkerdene zanayîşê cinîyan vejîya meydan. Semedo ke zêdeyîr keda cinîyan bêro vînayene, gerek derûdorî de tewr zêde heqê vatene bêro xebitnayene, bêro awankerdene. Gerek bale bêro antene serê keda cinîyan ê nîna vînayene û xoza."

 

Ganî şîarê ‘wareyo taybet polîtîk o’ bêro dubarekerdene

 

Emete da zanayene ke semedê heqê ganeyan ekosîstemî de bêro nasnayene, ekonomîya piştdayîşî bikewo cuye û vat: "Wareyê taybet de; keda keyeyî semedê sebebê kulturî do nêro vînayene. O wext ma femînîstî ganî pratîkê xo de şîarê, ‘wareyo taybet polîtîk o’ bêro dubarekerdene.”