MEXMÛR - Mektebê Mexmûrî tehlûkeyê Vîrusê Korona ra mabên dayî perwerdeyî

 

Kampa Multecîyan a Şehîd Rûstem Cûdîyî (Mexmûr) de mektebanê verênan û mîyanênan tehlûkeyê Vîrusê Korona ra mabênê perwerdeyî da.

 

Dima ke Vîrusê Korona resa Kerkûk û şaristanê Necefî yê Iraqî pêro Herêma Kurdistanî de mekteban û unîversîteyan mabênê perwerdeyî da.

 

Na çarçewe de Dezgehê Perwerdeyî yê Kampa Multecîyan a Şehîd Rûstem Cûdîyî (Mexmûr) bire daye ke seba vergirewtişê vilabîyayîşê vîrusî heta ke rewşe biasayîş biba dibistanî girewtî.

 

Ewro pêro mekteban de mamostayan seba xopawitişê Vîrusê Korona ra wendekarî hîşyar kerdî û rayîrê xopawitişî mojnayî wendekaran. Dima dibistanan mabênê perwerdeyî da.

Kampa Multecîyan a Şehîd Rûstem Cûdîyî (Mexmûr) de bi temamî 11 dibistanî û 3500 wendekarî estê.