Cezaya 10 serran ya Aysel Tugluke ameye tesdîqkerdene

  • 15:13 25 Sibate 2020
  • NAROJANE
AMED - Hukmê tirkî cezaya 10 serran ya ke sîyasetmedara kurde Aysele Tugluk rê amebî dayene tesdîq kerde.
 
Sîyasetmedara kurde Aysele Tugluka ke wextêk hemserekîya Kongreya Komela Demokratîke (KCD) kerdbî û Partîya Demokratîke ya Şaran (HDP) de Hetkarîya Hemserekîya Pêroyî ya Huqûqî û Heqê Merdiman kerdbî, 28ê kanûna 2016î de amebî tepiştene. Mehkema 16ê adara 2018î de bi îdîaya 'endamîya rêxistine' cezaya 10 serran dabî Aysele.
 
Dima ke Mehkemeya Edlî ya Herêmîye ya Anara waştişê temyîzî qebul nêkerdbi û cezaya mehkemeya herêmîye tesdîqkerdbî dewa şîye Hukmê Berzî. Hukmê Berzî yê Tirkî cezaya 10 serran ya Aysele tesdîq kerde.