ENQERE - Hemsereka verê ya HDPyî Fîgen Yuksekdage, seba erdlerzê serê sînorê Tirkîya û Îranî ame meydan de mesajê sersaxî weşêna. Fîgene mesajê xo de vat, "Kêfweşî û dejê ma hempar ê. Ez vengdayîşê piştdayîşê şarê ma kena.”

 

Hemsereka verê ya Partîya Demokratîke ya Şaran (HDP) Fîgen Yuksekdage, seba erdlerzê sînorê Tirkîya û Îranî de ame meydan de mesajê sersaxî û piştdayîşî weşêna. Mesajê Fîgena ke Zindanê Tîpê F yê Kandrayî de manena, serê hesabê aye ya fermî de medya komelî de ame parekerdene.

 

Mesajê Fîgene wina yo: "Ez kesê ke netîceyê erdlerzê Îranî de ame meydan û Wan de cuya xo vindî kerdî, înan rê rehmet wazena, keyeyê înan rê zî sersaxî û semedê birîdaran zî şîfa wazena. Kêfweşî û dejê ma yew ê. Ez hîsê xo yê piştdayîşî neql kena û veng dana şarê ma ke erdlerzeyan rê piştdayîş bidê.”