WAN - Nuştox û rojnameger Sevda Karacane da zanayene ke zêdebîyayîşê şîdetî serê cinîyan û zayendperestî de çapemenî de cayêko girîng de ca gêno û camêrdê ke her çî de xo wayîrê fikr vînenê, babeta şîdetê serê cinîyan de zî bîyê wayîrê fikr.

 

Nuştox û rojnameger Sevda Karacane derheqê mabêne şîdetê serê cinîyan û çapemenîye de şîrove kerd û dîyar kerde ke babeta zayendperestîyê sîstematîkî de cayêko girîng ê çapemenîye esto. 

 

‘Çapamenî de zayendperestî tay yena munaqeşekerdene’

 

Sevdaye vat, çapemenî seba ke têduştîyê cinîyan de probleman ciwîyena û tecrubeyan normal vînena, ameya sewîyeya qebulkerdene û vat: “Çapemenî bîya parçeyêko zayendperestîyê sîstematîk. Seba zayendperestî bêro awankerdene zî bena destek. Ma nêeşkenê vajê ke çapemenî nê het ra îmtîhanêko baş dana. Tirkîya de serrê peyînan de semedê zayendperestî serdest nêbo, xebatê girîng ameyî kerdene. La çapemenîye na babete averşîyayîşêko nêkerdo. Televîzyonan şîdetê serê cinîyan normal yeno vînayene. Her roj reklaman de, bultenê xeberan de cinî benê ‘qurbanê şîroveyê zayendperestî’.”

 

‘Vengê muxataban nîno eşnawitene’

 

Sevdaye tewr peyîn wina vat: “Çapemenî gere sebebê şîdetê serê cinîyan munaqeşe bikero, cigêrayîş bikero. Berpirsyarîyê tewr sereyîn oyo ke çapemenî bibo parçeyêko çareserî. Ganî rojeve, bi muxatabê înan dir bêro munaqeşekerdene. Cigêrayîşê pişt perdeyê hedîseyan, wezîfeyê çapemenîye yo. Yê ke têkoşînê vera şîdetê hemverê cinîyan meşnenê zî vengê înan televîzyonan de nîno eşnawitene. Yê ke vatiş vanê camêrd ê. 10 rojnamegerê cinîyan ra 6 ci ra ciwîyayîşê bêtêduştî yenê. Piştdayîşê rojnamegerê cinîyan gere bibo.”