MÊRDÎN - Ramazan Kilinço ke Mêrdîn de îşkence dayîka xo kerdib û nêamebi tepiştene, mengêka dima cinîyêk qetil kerd. Dewaya ke gumanbar ci ra yeno muhakemekerdene zî dewam kena.

 

Dewa Elmabaşi ya Artuklu ya Mêrdînî de Tebaxê 2018ine de camêrdo bi nameyê Ramazan Kilinçî ke waşt meaşê dayîka xo Zahra Kilinçe (82) bigîro û dayîka ci nêwaşt bido û nê ser o îşkence dayîka xo rê kerd. Dewijan mudaxaleyê hedîse kerdî û Zahra wedarnayî nêweşxane û raporo ke doktoran da Zahraye ame vatene ke didanê aye şikitê, esteyê pişta aye kezeba ci de şîyê war.

 

Pêwa gerrekerdene nêame tepiştene

 

Zahra dimayê ke şî qerekol û gerre kerd, la derheqê Ramazanî de tu cigêrayîş nêame kerdene. 5in Dadgeha Cezaya Giran ya Mêrdînî de dewaya îstîmlakî ameye akerdene. Roniştişê 31ê Çeleyî de ame vînayene de Zahraye reyna îfade da û gerreyê xo dubare kerd. La Ramazan sûcê xo înkar kerd. Heyetê dadgehe 11 serrî ceza gumanbarî rê birna û ceza fînayî 5 serrî û 6 mengan.

 

Cinîyêka zî qetil kerd

 

Gumanbar Ramazanî mengêka dima ra şîdet dayîka xo rê kerdib û êlûla 2018ine de Qoser de welatîya Gurcîstanî Melîsa Îlma (45) zî bi kardî qetil kerd û ame zanayene ke nê sûcî ra zindanê Tîpê E yê Mêrdînî de tepişnaye yo. Roniştişê ci do 12ê Nîsane de Yewin Dadgeha Cezaya Giran ya Mêrdînî de bêro vînayene.