Şehrîban Abî

 

WAN - Kadrîye Kurta ke hacetê eşteyan newe ra çîyan viraznena wina vat: "Mi bi omidêko pîl dikanê xo akerd. Nika ma nêeşkenê kîrayê xo vejê. Ma fikrîyenê ke dikanê xo padê. Xeyalî zî ge ge qîm nêkenê."

 

Qezaya Erdîşê Wanî de cinîya bi nameyê Kadrîye Kurta ke bi berardişê eşteyan, hacetê xemlî viraznena. Kadrîyeye seba nê dikanêko akerd û bi nê berardişan zî debara xo kena.

 

Kadrîyeye Beşê Hunerê Destan ê Wendegehê Berz yê Meslegî yê Ûnîversîteya Enqereyî ra mezun bîya. Kadrîyeya ke xo rê dikan akerda, nika seba krîzî, têkoşînê cuye dana.

 

'Ez eşkena her çî açarnî'

 

Kadrîyeye vat, emro qij ra eleqeyê aye seba hunerê destan esto û vat: “Îmkanê mi zêde çinbî. Seba nê mi çîyê kan û eşte açarnayene. Mi wendegehî de her wext çîyêk bi cilanê xo zêde kerdêne. Dimayê lîse, mi qerar da hunerê destan biwana. Ez nika eşkena her çî açarnî."

 

Qalikê haqî ra vilan, kartonan ra çarçewa...

 

Kadrîyeye wina vana: "Ez serê waştişê kesan ra boyaxê kokî ra çanteyê otantîk, kumaşê kan û texte, qutîyê xişir, secde, qutîyê cilan viraznena. Bismarê qij û layê rengînan ra zî resim viraznena. Ez çamê şiknaye helênena û kena xişir. Qaşilê hakî ra vilan viraznena. Kartonan ra çarçeweya fotografan viraznena. Nebatan ra boya oda viraznena."

 

'Heqdestê xo nêgîna' 

 

Kadrîyeye vat, bi nê karî debara xo kena û nika seba krîzî nêeşkena kîraya xo bido û vat, aye heqdestê keda xo nêgîna. Kadrîyeye da zanayene ke seba krîzî ameya sewîyeya dikanê xo pado û vat, reyan xeyalî zî qîm