Ferîde Zada-Rûberîn Bekir 

 

ŞEHBA - Dayîka Bediya Ebid El-Rehmana ke Efrîn ra ya û xoverdayîşê serdemî de di domanê ci ganê xo feda kerdî wina vat: “Însanê tewr rind î verê zerrîya dayîkan, doman ê. Xoverdayîşê serdemî de dayîkê Efrînî parçeyê kezeba xo fedayî herre kerdî. Pawitişê herra welat, kezebe vayîrê yo.”

 

Xoverdayîşê serdemî, xeylêk destanê qehremanî da nuştene û her keyeyêko de fotografê şehîdêk esto. Însanê ke cuyêka bi mana xo rê weçînayê, bendeyê xeyalê agernayîşê ke bi ca bêro. Yew zî keyeyêko xoverdayîşê serdemî de rayber bî û mîyan de di domanê înan Mesûd û Rêzan ganê xo feda kerdî keyeyê Bediya Ebid El-Rehmanî yo. Dayîka Bediya emrê aye 64 serre yo. Bi eslê xo dewa Carê ya qezaya Bilbilê ya Herêma Efrînî ra ya. Derheqê babete û seba xoverdayîşê serdemî derbaz bîyo, dayîka Bediya hîkayeya qehremanî yê domananê xo ma dir pare kerd.

 

‘Hêrişê îşxalkerdene de domanê mi fek dewa xo ra vera nêdayî’

 

Dayîka Bediya destpêkê qiseykerdene xo de wina vat: “Destpêkê hêrîşê dewleta tirkî de dewê serê sînorî, hedef ameyî girewtene. Waştişê dişmin o bike, pêro dewan îşxal bikero. Şerêko giran ameyo ciwîyayene. Nê hêrişan de domanê mi, fek dewa xo ra vera nêdayî. Xoverdayîşê serdemî de dayîkê Efrînî parçeyê kezeba xo fedayê herra xo kerdî. Pawitişê herra welatî kezebe ra vayî yo.”

 

‘Rojêke de xebera şehadetê pakrewananê mi, mi rê ame’

 

Dewamê qiseykerdişê xo de Bediya bale ante serê qehremanîya domananê xo mîyanê serdemî û wina vat: “ Domanê mi zerrîyêka germ tewrê refê têkoşînî bî. Ez bawer a bi eynî ruhî şer zî kerdê. Ez bi domananê xo serfiraz a. Rojêke de xebera şehadetê pakrewanê mi, mi rê ame. Mizgîniya azadîye do qehremanîya înan vajo. Azadî bê bedel nîna bidestkerdene. Rast o bedel giran o, la cuya azad zî hêvî û bi erj o.”