ŞIRNEX - Merkez û qezayanê Şirnexî de sereştişê keyeyan de xeylêk kesî ameyî destbendkerdene. Ame zanayene ke hûmara destbendkerdene beno ke tewr zêde bo.

 

15ê Sibata kompoloyê vera Rayberê PKKyî Abdullah Ocalanî de zî xeylêk kesî ameyî destbendkerdene. Sereştişê keyeyan de polîsan xeylêk kesî destbendkerdî. Kesê ke tîya ameyî destbendkerdene berdî Emniyetê Muduriyê Şirnexî.

 

Qezaya Şirnexî de sereştişê keyeyan de welatî bi nameyê Mehmet Hazarî ame destbendkerdene. Wextê destbendkerdene de berê keyeyî ame şiknayene û keye vila kerdî. Kesê ke ameyî destbendkerdene berdî Mudurîyê Hezexî.

 

Cinîya 90 serrî ameye kuwayene

 

Qezaya Hezexî de zî polîsan eşt serê xeylêk keyeyan û berê keyeyan şikit. Sereştişê keyeyan welatîyo bi nameyê Mehmet Gîdan û Nûrettîn Şen ameyî destbendkerdene. Eynî wextî de sereştişê keyeyan de polîsan Hemşaredarê Hezexî Mûrat Şenî dayîka Fatim Şene (90) û birazayê ci Abdurrahîm Şenî zî kuwayî.

 

Eynî wextî de Cizîr de zî polîsan eşt serê xeylêk keyeyan û welatîyê bi nameyê Serhat Vesek, Seyît Înç, Serhat Înç, Mîkaîl Bayik û 7 welatîyê ke nameyê înan nêame zanayene destbendkerdî. Sebebê destbendkerdene nêame zanayene. Kesê ke ameyî destbendkerdene berdî Emniyetê Mudurîyetê Cizîrî.   

 

Eynî wextî de vatî ke hûmara destbendkerdene beno ke zêde bibo.