AMED - TJAyî bi wesîleyê sergerra komployê mîyanneteweyî ke vera Rayberê PKKyî Abdullah Ocalanî ame kerdene de îzahat weşêna. Îzahat de ame neqlkerdene ke cewabo tewr xurt ê vera komployî, wayîrvejîyayîşê paradîgmayê Rojawanî yo.

 

Tevgerê Cinîyanê Azad (TJA) derheqê komployê mîyanneteweyî yê vera Rayberê PKKyî Abdullah Ocalanî de îzahato nuşte weşêna. TJAyî dîyar kerd ke, sîstemê Abdullah Ocalanî yê konfederal, azadîpawitişê cinîyan, ekolojîk û demokratîke ke sey alternatîfê sîstemê neteweyî dewletan ê faşîst ame awankerdene, seba şarê Kurd û şarê Rojhelato Mîyanên rê serdemêko newe akerd.

 

Îzahat de ame vatene ke, "No hemle kerd ke şarê Kurdî sewîyeya dinya û herêmî de bibo rayber. Şorişê Rojawanî netîceyê verçiman yê no yewî yo."

 

Îzahat de ame vatene ke, cewabo tewr tarîxî yê komployî rê bêro dayene, pawitişê şorişê cinîyan ê Rojawanî yo û ame vatene, "Sere de cinî, ma veng danê pêroyî yê hêzê demokratîk kenê ke seba şiknayîşê tecrîdî û pêameyîşê azadîya Rayberê Şarê Kurdî têkoşînêko hempar bimeşnê."

 

Tewr peyîn îzahatî de wina ame vatene: 

 

"Vera tifaqê verpay û faşîstê AKP-MHPyî tifaqê şar û yewîya şaran ganî tewr aver şoro. Şexsê Birêz Ocalanî de komployê 15ê Sibate pêro şarê Kurdî rê ame kerdene. Vera pawitişê heqê merdiman zî, no komplo ame meydan. Heta ke Birêz Ocalan azad nêbo, do no komplo peynî nêbo. Kilîtê çareserî zî aştîye zî bi azadîya Birêz Ocalanî mimkun o."