MÊRDÎN - Keyeyê hepsîyan derheqê tedayê hepisxaneyê zindanê Tîpê Lyê Rîzeyî zêde bîyê û muracatê serdozgerîye kerdî. Bi sebebê ‘hepsî eşkenê waştişname binusnê, nê çîyan bîyarê ziwan' muracatî ameyî redkerdene. Merdima hepsî Nure Terlake wina vat: "Gelo kes înan nêvîneno? Wa peynî nê îşkenceyan bîyarê. Rîze de îşkence bîyo çîyêk rêze ra."

 

Îhlalkerdene heqan yê hemver hepsîyê sîyasî her ke şino zêde benê. ÎHDyî dîyar kerd ke hepisxaneyê Tîpê L yê Rîzeyî de hepsîyê sîyasî kerdê hucreyê yew kesî û beşê ke hepsî edlî manenê de yenê tepiştene. Keyeyê hepsîyan reaksîyon vera rewşe dayî û vatî waştişnameyê derheqê îhlalkerdene heqan de zî teslîmê înan ameyê kerdene.

 

'Serê hepsîyan de tena cilê înan mendî' 

 

Nure Terlake dîyar kerde ke lajê ci Necdest Terlak bi 21 serrî yo zindan de yo û zindanê Rîzeyî de yo û vat: "Her tewir îşkenceyî înan rê kenê. Babeta werd, cil û belgan de her babete de teda kenê. Xêrcê cilanê serê înan pêro cilê înan girewtê. Verê zî derbkerdişê hetê serê lingan de her tewir îşkenceyî înan kerdê. Tewr peyîn roja îne ma geyra û vat, 'şêrê waştişname bidê.' Pêro yewbînan rê cîya kerdê û kerdê koxuşê edlî. Hepsîyê edlî zî çetel û îskanan erzenê serê înan. Lajê mi va şore, 'ÎHD’ bikewe dewre. Ma nê ser o muracatê dozgerîye kerd."

 

'Rîze bi îşkence namdar bi' 

 

Nure da zanayene ke 7ê Sibate de waştişname dayê û 10ê Sibate de cewab ameyo û vat: "Cewaba dozgerîye wina bi, 'hepsî eşkenê bixo waştişname binusnê, bîyarê ziwan.' La ma vanê ke qanûn no nîyo, edalet nîyo. Her çî înan, înan ra girewtê. Domanê ma xora hepsî yê, îşkence înan rê kenê. Ma do seba domananê xo muracatê her ca bikerê. Ma kamî rê qalê Rîzeyî kenê, vanê ke uca de îşkence aver şîyo. Gelo îdarekarê zindanî nê çîyan nêvîneno. Rîze de îşkence bîyo rêze. Ma veng danê ke îşkence ganî peynî bibo. Gelo pawitoxê heqê merdiman û avûkatî nê çî nêvînenê. Domanê ma binê îşkenceyî de yê. Ma do verê domananê xo de bê."