GIMGIM - Gimgimî de sereştişê keyeyan de hemserekê HDPyî Gimgimî Atîk Yildiz  û îdarekaro verên ê qeza  Bektaş Han serbest ameyî veradayene. Endama Meclîsê HDPyî yê Gimgimî Şengule Çîçeke ameye tepiştene.

 

Qezaya Gimgimî ya Mûşî de vizêr serê sibayî polîsan eşt keyeyan ser û hemserekê HDPyî yê Varto Atîk Yildiz, îdarekaro verên ê HDPyî Bektaş Han û endama Meclîsê HDPyî yê Gimgimî Şengule Çîçek destbend kerdbî.

 

Bektaş, Atîk û Şengule bi îdîaya ''endamîya rêxistine'' sewqê mehkeme bîyî. Îfadeyan ra dima Bektaş Han û Atîk Yildiz ameyî veradayene la Şengule Çîçek ameye tepiştene.

 

Şengule ameye berdene bi Zîndanê Mûşî.