STENBOL- Polîsan eşt serê qezayanê Bahçelievler, Kuçukçekmece, Esenyurt û Beyogluyî yê Stenbolî de xeylêk kesî ameyî destbendkerdene.

 

Qezayanê Bahçelievler, Kuçukçekmece, Esenyurt û Beyogluyî yê Îstanbulî de saetanê serê sibayî de polîsan eşt xeylêk keyeyan ser. Polîsan bêrî şikitî û keyeyî ser û bin kerdî.

 

Sereştişan de Maya Aştîye Canşaha Cemile Çelîk, îdarekarê HDPyî yê Bahçelîevlerî Serkan Yilmaz, xebatkarê asayîşî yê HDPyî Mustafa Turgut, Kuçukçekmece de Ihsan Sinmiş û Esenyurt de Adem Ozyurt zî tede xeylêk kesî ameyî destbendkerdene.

 

Ame zanaye ke Canşah Cemîle Çelîk û Serkan Yilmazî berdî Fermendarîya Cendirmeyan ê Bajar ke Maslakî de yo.

 

Nêame zanayene ke destbendkerdeyê bînî ça de yenê vindarneyene.

 

Sebebê destbendkerdene nêame zanayene.