STENBOL - 6 ci ra cinî 7 kesê ke 25ê teşrîna peyêne de buroşur vila kerdibî, ameybî tepiştene û derheqê înan de îdianame ame temamkerdene. 7 kesî do bi îdiayê ‘propagandaya rêxistine ra’ 11ê Sibate de vejîyê vera dadgehe.

 

Esenyurtê Stenbolî de 25ê teşrîna peyêne de bi amancê bale biancê 25ê Roja Têkoşînê serê Şîdetê Cinîyan ser o, Ayfer Yilmaze, Elcan Uçar Korduye, Maynur Yilmaze, Muruvvet Kesene, Turkan Sumbule, Zubeyde Agirbaşe û Muzaffer Îpekî wexto ke broşur vila kerdî, ameyî destbendkerdene û tepişnayene. Îdianameyê derheqê înan de temam bi.

 

Îdianameyî de ame dîyarkerdene ke 7 kesî wareyê Cumhuriyetî yê Esenyurtî de broşur vila kerdêne û na mabêne de polîsan broşurî ser o cigêrayîş kerdê û vejîyayo meydan ke Yewin Dadgerîya Cezaya Sulhî ya Wanî çapê ci yê 14ê teşrîna peyêne 2019ine qedexe kerdo, vilakerdene asteng kerdo û desteserkerdişê nusha vilakerdene dayo.

 

Îdianame pêşkêşê 36in Dadgeha Cezaya Giran ya Stenbolî ame kerdene û ame waştene ke bi sûcdarîyê, ‘propagandaya rêxistine ra’ bêrê cezakerdene.

 

Yewin roniştişê dewa do 11ê sibate de bêro vînayene.