Fîlîz Zeyrek

 

EDENE - Piştdayîşê Morî derheqê konferanso ke 8-9ê Sibate de Stenbolî de bêro viraştene Edeneyî rê veng da. Piştdayîşê Morî ra Pelîn Çîçeke wina vat: "Do xeylêk bajaran ra wesayîtî wirzê. Ma pêro cinîyan pawenê. Ma do vera nêheqîyan bi nasnameyê cîya tewrê konferansî bibê.

 

Piştdayîşê Morî 8-9ê Sibate de bi şîarê, ‘Bi înad têkoşîn, bi înad azadî’ Stenbol de Daîreyê Zewicnayene ya Kadikoy û Salona Konferansî ya Bîrleşîk Metal Îşî de 2yîn Konferansê Cinîyan ê Tirkîya organîze bikerî. Do her çar hetê Tirkîya ra cinî tewrê konferansî bibê û Piştdayîşê Morî yê Edeneyî ra Pelîn Çîçeke vengdayîşê tewrbîyayene kerd.

 

Pelîne dîyar kerde ke sey Piştdayîşê Morî, bi serran o bi cinîyan dir şaristananê Tirkîya de faaliyet meşnayê û vat, seba torrêka tewr xurt awan bikerî do wareyan de bê. Pelîne vat xeylêk cayan de torra piştdayîşî awan kerdê û wina dewam kerd: "No do konferansê ma yo diyîn bo. Ma di serrî verê, Stenbol de viraştib. No rastîyêko, serê cinîyan de hêriş dewam kenê. Nimûne tewr peyîn zî ma Las Tesîdî de dî."

 

'Do pêro cîyayî bêrê têhet' 

 

Pelîne da zanayîş ke hedefê înan o bi ke konferansêko cinîyan ê bi girse organîze bikerî û wazenê pêro nasnameyan bîyarê têhet. Pelîne eynî wextî de vat, do hunermend, kaykerdox, parlamenter û temsîlkarê rêxistinê girseyî zî tewrê konferansî bibê.

 

Pelîne tewr peyîn qiseykerdene xo de vat, do xeylêk bajaran ra wesayît wirzê û veng da pêro cinîyan ke tewrbîyayene konferansî bibê.