Rûperîn Bekir

 

ŞEHBA - Cinîyê Êzidî hêrişê dewleta tirkî û hemkaranê înan şermezar kerdî û vatî: "Dewleta tirkî hêrişê xo yê wehşî de, Kurdê Êzidî amanc girewtî, la xoverdayîşê Kurdê Êzidîyan hêrişê dewleta tirkî ra tewr bi hêz o."

 

Dewleta tirkî 20ê çeleyê 2018an de hêrişê Efrînî kerd. Netîce de bi desan sîvîlî cuya xo vindî kerdî, brîndar bî û koçber bî. Derheqê hêrişê serê Efrînî de, cinîyanê Êzidîyijan şîroveyê xo kerdî.

 

'Ma pêro bî yew ruh' 

 

Yasmîn Cindoya ke dewa Qestel Cindaya qezaya Şerayî ya Efrînî ra ya dîyar kerde ke şarê Kurdî her wext seba aşitîye şer kerdo û wina vat: "Ma sey Kurdê Êzîdî bi serran o Efrîn de ciwîyenê, dewa ma de pêro tewir şarî estbî û ma têduşt cuya xo dewam kerdêne. Dewleta tirkî bi pêro çekê giran hêrişê Efrînî kerd. Ma pêro şarî bî yew ruh, ma xoverdayîşê ramojna pêro dinya. Dewleta tirkî Efrîn de qirkerdiş kerd, seba nê ma mecbur mendî dewa xo ra vejîyê û bibê koçber. Şarî Kurdî her wext seba aştîye şer kerd, dewlata tirkî nê tesdîq nêkena û hêrişê şarî kerd. Nika zî ma Şehba de diyîn qonaxê xoverdayîşê serdemî ciwîyenê û xo rêxistin kenê."

 

'Seba ke ma qirkerdiş dir rîbirî nêmanê ma Efrîn ra vejîyayî'

 

Şêrîn Mihemeda ke dewa Basûfanî ya girêdayê qezaya Şêrewa ya Efrînî ra ya, serê hêrişanê dewleta tirkî û hemkaranê ci de qisey kerde û vat: "Kurdê Êzidî xoverdayîşê Serdemî de rolê xo kay kerdî û 58 rojan xo ver dayî. Ma zî seba hêzanê xo werd amade kerdêne û verê şerwananê xo de ma herra xo pawitine. Seba ke ma qirkerdene dir rîbirî nêmanê, ma Efrîn ra vejîyayî. Nika zî ma Şehba de xo ver danê û sey Êzidî ma xo bi rêxistin kerd. Ma do her wext xo ver bidê, heta ke ma Efrîn xelas bikerê."