ENQERE - Camêrdan menga çeleyî de tewr kêm 33 cinî qetil kerdî û 22 cinî zî bi taciz, tecawiz û şîdetî dir rî bi rî verdayî. Tewr kêm 19 domanî zî bi qirkerdişî, merdişê bi guman, hêrişê cinsî, şîdetê tewir bi tewir, rîbirî ameyî verdayene.

 

Tabloyê Tirkîya yê şîdetê serê cinîyan tarî yo. Pêameyîşê Stenbolî û qanûnê 6284an yê ke bi ca nînê, beno sebebê qetilkerdişê cinîyan. Cinî zî bi sloganê, 'Ma nêwazenê bimirê', vejîyenê kuçeyan û waştişê caardişê qanûnan kenê.

 

Goreyê zanayîşê ke sey Jinnewsî ma kom kerd, menga çeleyî de tewr kêm 33 cinî ameyî qetilkerdene. 22 cinî zî bi taciz, tecawiz û şîdetî dir rîbirî mendê. Tewr kêm 19 domanî bi qirkerdene, merdişo bi guman, hêrişê cinsî, şîdetê tewr bi tewr rî bi rî mandî. Dadgehan de tewr kêm 8 versûcî vistişê, 'halo baş' fêyde girewtî. Wendekara Unîversîteya Munzurî Gulistan Doku ya ke Dêrsim de vindibî û Şefîka Yasaya ke Qoserî de vindîbîyaye ya hîn zanayîş nêameyê girewtene.