MERKEZÊ XEBERAN - Tokyo de keştîya ke 3 hezar û 700 kesî tede yî de vîrusê korona ame vînayene û keştî girîya binê karantîna. Keştîye de 31 kesan ra 10 kesî de vîrusê korona ame tespîtkerdene.

 

Paytextê Japonya Tokyo de keştîya bi nameyê Diamond Princess ya aîdê şîrketê Princess Cruises ê Amerîka ke 2 hezar û 666 rayvan û hezar û 45 murettebatî tede yî de vîrusê korona ame tespîtkerdene. Keştîya ke vîrusê korona tede ame tespîtkerdene girîya binê karantîna. Dima ra 273 rayvanan ser de test ame kerdene û 31 kesan ra 10 kesî de vîrusê korona ame tespîtkerdene.

 

Goreyê xeberanê medyaya Japonya, 25ê çeleyî de Hong Kong de rayvanêko 80 serre de vîrusê korona ameyo tespîtkerdene û dima ra qerarê tedbîrgirewtişî ameyo girewtene. Roja yewşeme Verfekê hukmatî Yoşihide Sugayî eşkerayîyêke dabî û dîyar kerdbî ke keştîye rojêk rewe ameya lîmanê Yokohama û do bigirîya binê karantînaye.

 

Mîyanê 10 kesê ke vîrusê korona înan de ame tespîtkerdene ra 3ê ci Japon, 3 Hong Kong, 2 Avustralya, 1 DYA û 1 zî Fîlîpînî ra yî.