MÊRDÎN - Nisêbîn de di hewte verê vejîya meydan ke, camêrdo bi nameyê Ridvan Yeşîlmenî domanêko/a îstîsmar kerdo û serê gerrekerdene keyeyan, Ridvan Yeşîlmen ame destbendkerdene. Dimayê ke hedîse vejîya meydan, welatîya taxe Yasemîne ajansê ma rê qisey kerde û dîyar kerde ke, xeylêk domanî hetê gumanbarî ra ameyê îstîsmarkerdene.

 

Qezaya Mêrdînî Nisêbîn de 13ê Çele de vejîyabi meydan, camêrdo bi nameyê Ridvan Yeşîlmenî (47) domanêko/a îstîsmar kerdo û serê gerrekerdene keyeyî ra amebi destbendkerdene. Ame zanayene ke Ridvan Yeşîlmenî dukanê manavî de domanêko/a îstîsmar kerdo û dimayê hedîse keyeyê domanî/e Ridvanî derb kerdê û hetê polîsan ra ameyo destbendkerdene. Welatîyê taxe dîyar kerdî ke Ridvan Yeşîlmenî bi serrêke yo dukanê xo de xeylêk domanê taxe îstîsmar kerdo.

 

'Ma zî gerre kerd'

 

Welatîyê taxe dîyar kerdî ke keyeyan dozgerîye muracatê sûcdarî kerdê. Cinîya bi nameyê Yasemîne ke peynameyê xo nêwaşt bido wina vat: "Verê na hedîse, domananê ma çîyê wina vatêne. La ma vatêne doman ê, ma bawer nêkerdêne. Dima ra rojêke taxe gina têmyan ro. Keyeyan Ridvan kuwayne. Dima ra ma musayî ke babete îstîsmar a. Domanan bi vatene, ‘bi meywe bidî to, kîloyê to bipawî.' Xapênayo û îstîsmar kerdo. Nika ame destbendkerdene. Homa zano çend domanan îstîsmar kerdo. Ma zî gerre kerd. Îfadeyê ma û domanê ma ameyî destbendkerdene. Bi qaso ke ma fam kerdo, xeylêk domanan îstîsmar kerdo."

 

'Keyeyan domanan ra bawer nêkerdêne'

 

Esnafêko taxe zî wina vat: "A roje, pêro keyeyê domanî/e şî manaw û ey derb kerdî. Ma fam nêkerd babete çîya. Dima ra hedîse ameye eşnawitiş. Dimayê îfadeyan no camêrd ame destbendkerdene. Ma zî bawer kerd ke o kes sûcdar o. Dimayê hedîse, xeylêk keyeyan va ke domananê ma rê zî kerdo. Eke na hedîse nêvejîyayne meydan, wina bêveng bêmendêne. Wa keyeyî domananê xo goşdarî bikerê."

 

Dimayê îfadeyê Ridvan Yeşîlmenî sûcê,  'îstîsmarkerdişê domanî/e, azadî ra bêpar verdayene' ame destbendkerdene û eşrawitî zindanê Tîpê E yê Mêrdînî.

 

Dewa dimayê amadekerdene îdianameyî do bêro vînayene.