ÎZMÎR - Komisyonê Cinîyan yê HDPyî ard vîr ke 780 domanî bi dayîkê xo dir zindan de yê û ardî ziwan ke ganî cinîyê diganî û bi domanî zî heqê qanûn ra feyde bigîrê û bêrê tehlîyekerdene.

 

Komîsyonê Cinîyan yê Şubeyê Komisyonê Cinîyan ya Komeleya Heqê Merdiman (ÎHD) yê Îzmîrî, awanîya xo ya Konakê Îzmîrî de seba bale antişê serê problemê cinîyan yê ke domanê înan estê kombîyayîşê çapemenîye viraştî. ÎHDyî vat: "Dayîkê diganî yê zindan de yê û dayîkê bi doman ganî bêhukm bêrê muhakemekerdene. Cezayê ke bigîrê zî ganî bêrê taloqkerdene. Domanî pêwa dayîkê xo ganî teber de bê û azad bê." Cemîle Karakaya serê nameyê komîsyonê cinîyan, metnê eşkerîye wend.

 

'Cayê girewteyî semedê averşîyayîşê domanan baş nîyê'

 

Cemîleye dîyar kerde ke pisporê averşîyayîşê domanan, vanê ganî semedê averşîyayîşê înan baş bo pîl bibê û wina dewam kerde: "Semedê averşîyayîşê domanan, cayê ke pîl benê rolêko pîl kay keno. Seba domanî bi hawayêko baş biresê, ganî cayê înan pak bo, tîjî bivîno, hizûr bo. Coka cayê domanan mîyanê çar dêsan de nîyo, gerek teber de bo."

 

'Zindanan de 780 domanî estê'

 

Cemîleye da zanayîş ke qeydê Wezareta Dade de 780 domanî pêwa dayîkê xo zindanan de yenê tepiştene û wina vat: "Pawitoxê heqê merdiman, vera îhlalkerdene heqan xo ver danê. Ganî cinîyê diganî û bi domanan, heqê qanûnê feydeyî bigîrê û bêrê tehlîyekerdene."