AMED - Amed de wextê peyînan de hetê polîs û nobedaran ra caardişê GBTyî yê kêfî zêde bîyê û welatîyan dîyar kerdî ke ê na rewşa ra xeylêk aciz ê û dayî zanayîş ke nê caardişî bi hawayêko kêfî yenê kerdene.

 

Herême û Tirkîya de pêwa ke OHAL ameyo wedartene, caardişê polîs û nobedaran OHALî ra tewr xirabtir o. Sere de Amed û xeylêk bajarê herêman de polîs û nobedar bi hawayêko kêfî caardişê Komkerdişê zanayîşê pêro (GBT) bi ca anê û no zî rastê reaksîyonê şarî yê sey, 'binê nameyê operasyonê hizûrî de hizûrê ma nêmendo' yenê. Amed de sereyê game, caardişê GBTyî yeno kerdene û her kes nê ra gerrekerdox o ma rojnamegerî benê şahidê nê caardişan û nisîbî xo zî gênê. Ma reaksîyonê şarî bi muşahedeyê xo şima dir pare kenê. 

 

Her quncikî de caardişê GBTyî

 

Her cayê Amedî de polîs û nobedar î goreyê kesê ke rayîr de şinê, bankan de nişnê ro û yan zî bi karêko eleqedar benê, danê vindarnayene û bi deqeyan cigêrayîş kenê. Eynî wextî de nobedarî xo serê polîsan de vînenê û nêzdîyê înan ê ke şarî qij fînenê bale anceno. Caardişê GBTyî ke mengê peyîn de xeylêk zêde bîyê bi taybet kafeyan bi hawayêko cidî yeno vînayene. Polîs kewenê kafeyan û kontrolê GBTî kenê û her cayê kafeyî padanê.

 

Rojê vîyarte de ma zî rastê caardişêk wina ameyî. Her kes kafe de niştib ro û çend kesê sivîl kewtî zere û nasnameyê xo vetî û vatî şubeyê asayîşî ra ameyê. Polîsan seba GBTî nasnameyê pêro kesan girewtî; heto bîn ra zî bala xo dayî dayîra ke kafe de ginana piro. Polîsêko nasname bi hawayêko wişk da masa ro û vat, ‘muzîk pade’ û vat deyîre de vatene ‘qedexekerdene’ esta. Muşteriyê kafeyî reaksîyon ramojnayî û polîsan zî tehîdê ‘zanayîş bidê ekîbê TEMî wa bêrê’ kerdî.”

 

Vera rojnameyê Yenî Yaşamî bêtehemulî

 

Kafe de bêhizûrî zêde bî û polîs ewnîya rojnameyê Yenî Yaşamî ra û vat, ‘no qedexe nîyo? Çi karê nê rojnameyî tîya esto.' Serê nê ra wezîfedarê kafeyî vat ‘madem qedexe yo çira yeno vilakerdene.' Nê dir kesê ke kafeyî de bî na rewşe ra nêrehet bî û yê ke nêrehetîyê xo ardî ziwan zî rastê tehdîdê polîs yê sey, ‘ti avûkat ê/a, ti do se bikerê’ ameyî.