MEXMÛR - Betlaneyê wendegehê amedekarî û serateyî ya Wargehê Mexmûrî ewro dest pêkerd. Wendegeh do dimayê 15 rojan reyna dest bi perwerdeyî bikero.

 

Wargehê Şehîd Rûstem Cûdî (Mexmûr) bi 26 serrî yo, mîyanê şert û mercê penabertî de sîstemê xo yê perwerdeyî bi hawayoke baş danê meşnayene. Ewro wargehê wendegehî amedekarî û sereyîn wextê betlaneyî dest pêkerd. Wendegeh do dimayê 15 rojan dest bi perwerdeyî bikerê. Derheqê betlaneyî de mamoste Evdulah Tunçî qisey kerd.

 

Qiseykerdişê xo de bale ant serê rewşa multecîyan û wina vat: "Ma seba zulmê dewleta Tirkî koçber bî û 26 serrî yo bi zehmetîyan cuya xo dewam kenê. Labelê amancê ma yo sereyîn zî, ma wazenê domanê xo her het de perwerde bikerê. Xora sey yeno zanayene, no wextêko derg serê wargehî ablûqayêk esto û no zî tesîr wendegehê ma zî kerd. Seba ablûqa û amborgayê ma nêeşkenê lazimîyê wendekaranê xo ca bîyarê."

 

Tewr peyîn wendekarê ke yewin vejîyayî dîyarîyê xo girewtî.