MERKEZÊ XEBERAN - Seba vîrusê koronî ke şaristanê Vûhan yê Çînî de vejîya, hûmara kesê ke merdî bî 106.

 

Hûmara kesê ke seba vîrusê koronî ra Çîn de cuya xo vindî kerdî zêde bena. Goreyê îzahatê Komîsyonê Weşîye ya Mîyanneteweyî heta nika 106 kesî merdê. Ame neqlkerdene ke pêroyî yê welatî de, vîrus derbazê 4 hezar 515 kesan bîyo û înan ra rewşa 976 kesan giran o.

 

Eynî wextî de, guman yeno kerdene ke vîrus derbazê 6 hezar û 973 kesan bîyo. Heto bîn ra seba vîrusî, 44 hezar û 132 kes zî binê kontrol de yenê girewtene.

 

Seba vilabîyayîşê vîrusî, 22yê menge ra tepya  17 şaristanan de şîyayîş û ameyîş ameyo vindarnayene.