AMED - Çinar de xal û cîranê Muhammed Velî Dumezo ke 8 serre amebi kiştiş û ameybî tepiştiş, serbest ameyî veradeyene. Ema domanî, H.T. hema zî tepişnaye ya.

 

Dewa Sergelya ya Çinarê Amedî de 21ê çeleyî de domano 8 serrî Muhammed Velî Dumezî şan de vindî bibi û dimayê saetan keyeyêko xirbeyî teberê dewe de bi birîndar amebi vînayene. Birînê Muhammed Velîyî giran bî û ey wedarnabî nêweşxaneyî û nêweşxaneyî de wefat kerdib. Derheqê kiştişê domano qij de 4 kesî ameybî tepiştiş. Tepiştiş de xal û di cîranê keyeyê domanî serbest ameyî veradayene û ema domanî H.T. tepişnaye ya.