XARPÊT - AFADî, dîyar kerd ke hûmara kesê ke erdlerz de cuya xo vindî kerdî, vejîya 31 kesî.

 

Serekîya Îdareyê Karaset û Rewşa Lezgîn (AFAD), deheqê erdlerzî de bi pileyê 6.8 Xarpêtî de daneyê peyîn pare kerd. AFADî dîyar kerd ke hûmara kesê ke netîce de cuya xo vindî kerdê vejîya 31 kesî. 

 

Îzahatê AFADî  de ame dîyarkerdene ke 9 hezar û 233 çadirê ke resayê karasetî yê lazim ameyê ronayîş, netîceyê analîzê zerarî de zî dîyar kerdî ke 76 bîna rijyayê, 642 bîna zî zirarêko giran dîyê û 425 bîna zî zirarêko kêm û orte vînayê. 

 

Heto bîn ra neql ame kerdene ke, dimayê erdlerzî 45 kesî binê xirbe ra ameyê xelisnayene û 31 kesî zî cuya xo vindî kerdî. Hetêko bîn ra 556 kesî zî dimayê erdlerzî muracatê nêweşxaneyî kerdê.